भद्रावती :
मंगळवार दिनांक १४ जानेवारी रोजी रात्री नऊ वाजता भद्रावती तालुक्यातील पारोधी या गावी उंबर घाट नाल्यातील अवैद्य रेतीचे ट्रॅक्टर नाल्यातून रेती उपसा करत असल्याची गोपनीय माहिती महसूल विभागाला मिळताच गौण खनिज शोध पथक यांनी उंबरघाट येथे धडक दिली. त्यावेळी नाल्यात तीन ट्रॅक्टर होते. दोन ट्रॅक्टर रेती तस्कर पळविण्यात यशस्वी झाले. एक ट्रॅक्टर रेती भरलेले नाल्यात फसल्याने त्याला पकडण्यात आले. यानंतर गावातील ट्रॅक्टरच्या सहाय्याने व गावकऱ्यांच्या मदतीने अवैध रेती भरलेले ट्रॅक्टर भद्रावती महसूल विभागाने कारवाईसाठी काढण्यात आले. पंचासमक्ष या ठिकाणी गाड्याचे मोजमाप करण्यात आले होते.
अवैध रेती वाहतूक करणाऱ्या ट्रॅक्टरवर एक ब्रास रेतीची कारवाई तहसीलदार राजेश भांडारकर यांच्या नेतृत्वात गौण खनिज शोधपथक मंडळ अधिकारी समीर वाटेकर, तलाठी अनिल दडमल, तलाठी खुशाल मस्के, तलाठी भिसीकर यांनी केली होती. अवैद्य रेतीच्या वाहनाची विचारपूस केली असता सदर वाहन मालक मारुती गायकवाड यांचे मालकीचे असल्याचे कळले. सदर वाहन अवैद्यरित्या रेती वाहतूक करत असल्याने ताब्यात घेण्यात आले होते.
यामध्ये उत्खनन केलेल्या वाळूच्या जागेचे मोजमाप करुन पंचनामा तयार करून एकूण 154 ब्रास वाळू उत्खनन केल्याचे निदर्शनास आले होते. तेंव्हा गावातील 7 पंचाच्या सह्यानिशी पंचनामा करण्यात आला असून पारोधी नदीपात्रातील उत्खननाचे मोजमाप करण्यासाठी तहसिलदार भद्रावती यांनी उपविभागीय अभियंता सा.बा. विभाग यांना नदीपात्रातील उत्खननाचे मोजमाप करुण अहवाल सादर करण्याचे निर्देश दिलेले आहेत. आता यानंतर सदर उत्खनन करणाऱ्या वाळू तस्करांवर दंडात्मक कारवाई करण्यात येणार काय? असा सवाल जनतेतर्फे विचारल्या जात आहे.
